ප්රාදේශීය ලේකම් කාර්යාලය මුන්දලම
සැපයුම්කරුවන් හා කොන්ත්රාත්කරුවන් ලියාපදිංචි කිරීම
2025 /2026
- මුන්දලම ප්රාදේශීය ලේකම් කාර්යාලය 2025 / 2026 වර්ෂය තුළ පහත වගුවේ භාණ්ඩ, සැපයුම් හෝ සේවා වෙනුවෙන් සැපයුම්කරුවන් හා කොන්ත්රාත්කරුවන් ලියාපදිංචි කිරීම පිණිස අයදුම්පත් භාර ගනු ලැබේ.ලියාපදිංචි වීම සඳහා අවශ්ය ඉල්ලුම්පත් හා උපදෙස් මුන්දලම ප්රාදේශීය ලේකම් කාර්යාලයේ,ප්රසම්පාදන ඒකකයෙන් හෝ 2025.05.27 දින සිට කාර්යාලීය වේලාව තුළ හෝ www.mundel.ds.gov.lk හරහා බාගත කර ගැනීමෙන් හෝ ලබා ගත හැකිය.
- නිවැරැදිව සම්පූර්ණ කරන ලද අයදුම්පත 2025.06.12 දින හෝ ඊට පෙර ලැබෙන සේ ලියුම් කවරයේ වම්පස ඉහළ කෙළවරේ “ සැපයුම්කරුවන් සහ කොන්ත්රාත්කරුවන් ලියාපදිංචි කිරීම - 2025 / 2026“ ලෙස සඳහන් කර “ප්රාදේශීය ලේකම්, ප්රසම්පාදන ඒකකය, මුන්දලම ප්රාදේශීය ලේකම් කාර්යාලය, “ යන ලිපිනයට ලියාපදිංචි තැපෑලෙන් එවීමට හෝ මුන්දලම ප්රාදේශීය ලේකම් කාර්යාලයේ ප්රසම්පාදන අංශයට ගෙනැවිත් භාර දිය හැකිය.
- ලියාපදිංචි වීමට අපේක්ෂා කරන එක් එක් අයිතම සඳහා වෙන වෙන ම අයදුම්පත් ඉදිරිපත් කළ යුතුය. එකී සෑම අයදුම්පතක් සමගම (ගොඩනැගිලි ඉදිකිරීම් සඳහා නම් රු. 500/-ක් ද සැපයුම් හා සේවා සඳහා නම් රු. 300/-ක් ද) ආපසු නොගෙවන ලියාපදිංචි කිරීමේ ගාස්තු වශයෙන්
- මුන්දලම ප්රාදේශීය ලේකම් නමින් චෙක් පතක් හෝ
- මුන්දලම ප්රාදේශීය ලේකම් කාර්යාලයේ සරප් වෙත මුදල් ගෙවා එම ලදු පත එවිය යුතුය.
- නියමිත පරිදි මුදල් නොගෙවන ලද හා / හෝ 2025.06.12 දිනෙන් පසුව ලැබෙන අයදුම්පත් ප්රතික්ෂේප කරනු ලැබේ.
- වැඩි විස්තර මුන්දලම ප්රාදේශීය ලේකම් කාර්යාලයේ www.mundel.ds.gov.lk වේබ් අඩවියෙන් සහ 032 – 22052271 දුරකථන අංකය මගින් ලබා ගත හැකිය. තවද, අයදුම්පත්/ උපදෙස් මෙම අංකය වෙත අමතා Whatsapp මගින් ලබා ගැනීමේ හැකියාවක් ද පවතී.
සැපයුම්කරුවන් හා කොන්ත්රාත්කරුවන් ලියාපදිංචි කිරීම - 2025 / 2026 වර්ෂය
ප්රාදේශීය ලේකම් කාර්යාලය මුන්දලම
උපදෙස්
මුන්දලම ප්රාදේශීය ලේකම් කාර්යාලය සඳහා 2025 / 2026 වර්ෂය තුළ භාණ්ඩ, සේවා හෝ වැඩ සැපයීම පිණිස සැපයුම්කරුවන් හා කොන්ත්රාත්කරුවන් ලෙස ලියාපදිංචි වීමට අපේක්ෂා කරනු ලබන ආයතන/ ව්යාපාර/ කොන්ත්රාත්කරුවන්ගෙන් අයදුම්පත් කැඳවනු ලැබේ.
- මෙම ලියාපදිංචිවීම වසර දෙකක කාලයක් සඳහා වලංගු වේ.
- වැඩ/ සැපයුම්/ සේවා ලබා ගැනීම අවශ්ය වූ විටක ලියාපදිංචි සැපයුම්කරුවන්ගෙන් හා කොන්ත්රාත්කරුවන්ගෙන් මිල ගණන් කැඳවනු ලබන අතර ප්රමාණවත් තරගකාරි මිල ගණන් නොමැති අවස්ථාවල දී වෙනත් විකල්ප අනුගමනය කර මිල ගණන් ලබා ගැනීමට කටයුතු කරනු ලැබේ.
- I. අයදුම්පත සමග CIDA/ ICTAD ආයතනයේ ලියාපදිංචි කොන්ත්රාත්කරුවන් එම යාවත්කාලීන කරන ලද ලියාපදිංචි සහතිකයේ පිටපතක් ඉදිරිපත් කළ යුතුය.
- II. ව්යාපාරය ලියාපදිංචි කිරීමේ සහතිකයේ පිටපතක් ඉදිරිපත් කිරීම අනිවාර්යය වේ. එනමුත් මේ දක්වා ව්යාපාරය ලියාපදිංචි කර නොමැති ආයතන වුව ද මේ සඳහා අයදුම්පත් ඉදිරිපත් කළ හැකි වේ. එසේ අයදුම්පත් ඉදිරිපත් කර මාස 06ක කාලය ඇතුළත එම ව්යාපාරය ලියාපදිංචි කර එකී සහතිකයේ පිටපතක් මා වෙත ඉදිරිපත් කිරීමෙන් පසු මිල ගණන් ඉදිරිපත් කිරීමට සුදුසුකම් ලැබේ.
III. එසේ ම, ඔබගේ ව්යාපාර ක්ෂේත්රයට අදාලව ලබා ගත යුතු වෙනත් රජයේ ලියාපදිංචි/ අවසර සහතික වේ නම් ඒවායේ පිටපත් ඉදිරිපත් කළ යුතුය.
- අළුත්වැඩියා කටයුතු සඳහා අයදුම්පත් ඉදිරිපත් කරන ආයතනවල ශාඛාවක් අවම වශයෙන් වයඹ පළාතේ එක් ස්ථානයක හෝ ස්ථාපිත කර තිබිය යුතුය.
- ඔබ භාණ්ඩ හා සේවා සැපයීමේ දී දින 30ක ණය පහසුකම් මත සැපයුම් හෝ සේවාවන් කළ යුතු ය.
- ලියාපදිංචිය සඳහා එවනු ලබන අයදුම්පත් ඇගයීමෙන් පසු සුදුසුකම් අනුව පිළිගැනීමේ හෝ ප්රතික්ෂේප කිරීමේ අයිතිය දෙපාර්තමේන්තු ප්රසම්පාදන කමිටුව සතු වේ.
එම්.ඒ.අයි.එච්.පෙරේරා,
සභාපති/ ප්රාදේශීය ලේකම්,
ප්රාදේශීය ප්රසම්පාදන කමිටුව,
මුන්දලම ප්රාදේශීය ලෙකම් කාර්යාලය.
2025.05.06
| සැපයුම් - G | සේවාව - S | වැඩ-W | |
| G1. ලිපිද්රව්ය හා කාර්යාල අවශ්යතා (පරිගණක කඩදාසි, ෆැක්ස් රෝල්, ටෝනර්, කාට්රිජ්, රිබන්, සී.ඩී ආදිය) |
|
W1. ගොඩනැගිලි ඉදිකිරීම්, වැඩිදියුණු කිරීම් හා අලුත්වැඩියා කිරීම (CIDA ආයතනයේ ලියාපදිංචි ආයතන හා අනුමත සමිති) | |
| G2. කාර්යාලීය උපකරණ ( ඡායා පිටපත් යන්ත්ර, ඩිජිටල් ඩුප්ලෝ යන්ත්ර, රෝනියෝ යන්ත්ර, ඇඟිලි සලකුණු යන්ත්ර, ෆැක්ස් යන්ත්ර, , ප්රොජෙක්ටර්, අභ්යන්තර දුරකථන පද්ධති, , CCTV පද්ධති සහ උපාංග | S2. ඡායා පිටපත් යන්ත්ර, ඩිජිටල් ඩුප්ලෝ යන්ත්ර, රෝනියෝ යන්ත්ර, ඇඟිලි සලකුණු යන්ත්ර, ෆැක්ස් යන්ත්ර, ප්රොජෙක්ටර්, අභ්යන්තර දුරකථන පද්ධති, CCTV පද්ධති අළුත්වැඩියා කිරීම හා සේවා කිරීම | W2. මාර්ග සංවර්ධනය හා අලුත්වැඩියා කිරීම (CIDA ආයතනයේ ලියාපදිංචි ආයතන හා අනුමත සමිති) | |
| G3. කාර්යාලීය ගෘහ භාණ්ඩ ( දැවමය, වානේ සහ ප්ලාස්ටික්) | S3. වාහන සේවා කිරීම (පුත්තලම දිස්ත්රික්කය තුළ පමණක් විය යුතුය) | W3. ක්රීඩා පිටි හා ක්රීඩාගාර සංවර්ධන කටයුතු (CIDA ආයතනයේ ලියාපදිංචි ආයතන හා අනුමත සමිති) | |
| G4. ගෘහ/ විදුලි උපකරණ මිල දී ගැනීම ( වායුසමන යන්ත්ර, විදුලි සෝපානය, විදුලි පංකා, විදුලි බුබුළු, රූපවාහිනිය, මහන මැෂින්, ශීතකරණ, පී.වී.සි. ජල නළ සහ උපාංග, ගැල්වනයිස් ජල නළ හා උපාංග, ශබ්ද විකාශන පද්ධති හා ශබ්ද විකාශන උපකරණ) | S4. ගෘහ/ විදුලි උපකරණ අළුත්වැඩියා කිරීම සහ සේවා කිරීම. (වායුසමන යන්ත්ර, විදුලි සෝපානය, විදුලි පංකා, විදුලි බුබුළු, රූපවාහිනිය, මහන මැෂින්, ශීතකරණ, පී.වී.සි. ජල නළ සහ උපාංග, ගැල්වනයිස් ජල නළ හා උපාංග, ශබ්ද විකාශන පද්ධති හා ශබ්ද විකාශන උපකරණ) | W4. නව පාලම් ඉදිකිරීම හා පාලම් අළුත්වැඩියා කිරීම (CIDA ආයතනයේ ලියාපදිංචි ආයතන හා අනුමත සමිති) | |
|
G5. පරිගණක, ලැප්ටොප්, පරිගණක මුද්රණ යන්ත්ර, පරිගණක උපාංග, වෛරස් ගාර්ඩ්, ජාලකරණ උපාංග |
|
W5. ජලාශ හා වාරිමාර්ග සංවර්ධන කටයුතු (CIDA ආයතනයේ ලියාපදිංචි ආයතන හා අනුමත සමිති) | |
| G6. විදුලිජනක යන්ත්රය | S6. විදුලි ජනක යන්ත්රය අළුත්වැඩියා කිරීම හා සේවා කිරීම | ||
| G7. වාහන අමතර කොටස්, වාහන සඳහා ටයර්, ටියුබ්, බැටරි හා වීල් එලයිමන්ට් | S7. වේදිකා, සැරසිලි, කැනපි හට්, ආලෝකකරණය, ශබ්ද විකාශන පද්ධති | ||
|
G8. සියළුම වර්ගයේ ගොඩ නැගිලි ද්රව්ය(ඉදිකිරීම් සඳහා අවශ්ය අමුද්රව්ය/ විදුලි උපාංග/ වීදි ලාම්පු/ ජලනල උපාංග) |
S8. කුලි පදනම මත වාහන සැපයීම | ||
| G9. රබර් මුද්රා, දින මුද්රා, නාම පුවරු, හැඳුනුම්පත්, ස්ක්රීන් ප්රින්ට්, ඕෆ්සෙට් ප්රින්ට්, බැනර් ප්රින්ට්, කාර්යාල ගොනු මුද්රණය, පොත් බැඳීම | S9. රැස්වීම් සඳහා ආහාර පාන සැපයීම | ||
| S10. ආරක්ෂක සේවා | G10. උදේ, දිවා, රාත්රී සහ කෙටි ආහාර, බෝතල් කළ ජානීය ජලය, සිසිල් බීම (මයිලෝ, රිච්ලයිෆ්, කොත්මලේ ආදිය), කිරි පිටි පැකට්, බිස්කට් | ||
| G11. පැල හා බීජ වර්ග | |||
| G12. ඉදිකිරීම් හා කාර්මික යන්ත්ර සූත්ර ( ග්රිල්/ ග්රයින්ඩර්/ වතුර මෝටර්/ තණකොළ කපන මැෂින්) | |||
| G13. විදුලි ජල පොම්ප හා ඩීසල් ජල පොම්ප | |||
| G14. ක්රීඩා භාණ්ඩ ( ක්රීඩා උපකරණ, කාය වර්ධන උපකරණ, කුසලාන හා ත්යාග, ටී ෂර්ට්, නිල ඇඳුම්) | |||
|
G15. සෞඛ්යාරක්ෂිත උපකරණ හා රසායනික ද්රව්ය (කොසු, ඉදල්, මොපර්, වයිපර්, හාර්පික්, සබන්, විම්, එයාර් ෆ්රෙෂ්නර්, ක්ලෝරින්, ඇසිඩ් වෝටර්, ග්ලාස් ක්ලීනර්) |
|||
| G16. සූර්ය කෝෂ සහ උපාංග (සූර්ය කෝෂ සහ උපාංග, Solar on Grid System & Solar off Grid system, Solar Pumping System |
|||
|
ඉහත අයිතමයන් යටතේ ආවරණය නොවු වැඩ/ සැපයුම්/ සේවා ඛාණ්ඩයට අයත් වන්නා වූ අයිතම (අයදුම්කරුට නම් කර ඉදිරිපත් කළ හැකිය) |
|||
අයදුම්පත්රය
2025 / 2026 වර්ෂය සඳහා සැපයුම්කරුවන් සහ කොන්ත්රාත්කරුවන් ලියාපදිංචි කිරීම
